Könüllülük fəaliyyəti Bakı Şəhər Halqası Əməliyyat Şirkətinin əməkdaşı Röya Fərəcovanın karyerasına böyük töhfə verib.

"Report"un məlumatına görə, "Formula 1" üzrə Azərbaycan Qran-prisinin sabiq könüllüsü bunu jurnalistlərə açıqlamasında deyib.

O, 2024-cü ildə " Formula 1" yarışında könüllü kimi fəaliyyətə başladığını bildirib:

"Könüllülük fəaliyyətim boyunca komanda ilə işləmək, insanlarla daha yaxından ünsiyyət qurmaq və tədbir zamanı yaranan situasiyalara operativ yanaşmaq bacarıqlarımı inkişaf etdirdim. Bu təcrübə hazırda Bakı Şəhər Halqası Əməliyyat Şirkətində əməkdaş kimi fəaliyyət göstərməyimə böyük töhfə verib. Bununla yanaşı, digər beynəlxalq tədbirlərdə də fəaliyyətimi davam etdirmişəm və bu sahəyə olan marağım daha da artıb. Hazırda "Formula 1" üzrə Azərbaycan Qran-prisinin təşkilinə töhfə verirəm və proqrama qoşulan bütün könüllülərə uğurlar arzu edirəm".

Xatırladaq ki, "Formula 1" üzrə Azərbaycan Qran-prisi sentyabrın 24-26-da Bakıda baş tutacaq.

"Formula 1" üzrə Azərbaycan Qran-prisinə hazırlıq çərçivəsində könüllülər üçün təlim prosesi təşkil olunub.

"Report" xəbər verir ki, media nümayəndələrinə təlim prosesini yaxından izləmək və işıqlandırmaq imkanı yaradılıb.

Tədbirdə Azərbaycanda "Formula 1" üzrə Qran-prinin keçirilməsinin 10 illiyi münasibətilə könüllülük proqramının ötən illər ərzindəki inkişafı, əldə olunan nəticələr və yaradılan imkanlar barədə ətraflı məlumat verilib.

Xatırladaq ki, "Formula 1" üzrə Azərbaycan Qran-prisi sentyabrın 24-26-da Bakıda baş tutacaq.

"Formula 1" üzrə Azərbaycan Qran-prisində ikinci dəfə könüllü seçilən Murad Ağazadə yarışın yüksək səviyyədə təşkil olunacağına inandığını bildirib.

"Report" xəbər verir ki, o, bunu könüllülər üçün təşkil olunan təlim proqramları çərçivəsində jurnalistlərə açıqlamasında deyib.

M.Ağazadə ötən mövsüm idman əməliyyatları üzrə logistika komandasında fəaliyyət göstərdiyini diqqətə çatdırıb:

"İlk təcrübəmdə yeni dostlar və zəngin təcrübə qazandım. İşimiz marşalları zəruri ləvazimatlarla təmin etməkdən ibarət idi. Bütün könüllülərə uğurlar arzulayıram və inanıram ki, bu il də yarışlar ötənilki kimi uğurla baş tutacaq".

Xatırladaq ki, "Formula 1" üzrə Azərbaycan Qran-prisi sentyabrın 24-26-da Bakıda baş tutacaq.

Sentyabrda baş tutacaq "Formula 1" üzrə Azərbaycan Qran-prisinin təşkilinə bu il 2 minə yaxın könüllünün cəlb olunması nəzərdə tutulub.

"Report" xəbər verir ki, bunu Bakı Şəhər Halqası Əməliyyat Şirkətinin İnsan resursları və işçi qüvvəsi departamentinin nümayəndəsi Arifə Əliyeva deyib.

O, aprel ayında elan edilən könüllülər proqramına 3 gün ərzində 49 mindən çox müraciətin daxil olduğunu bildirib.

Qurum rəsmisi 2016-cı ildən etibarən yarışların təşkilinə 20 mindən çox gəncin könüllü kimi cəlb edildiyini vurğulayıb. Onlardan 400-dən çoxu uğurlu nəticə göstərərək sonrakı illərdə tədbirin təşkilində işçi qüvvəsi kimi fəaliyyətini davam etdirib.

Eyni zamanda, bu il dünyanın müxtəlif ölkələrindən 1550-yə yaxın beynəlxalq könüllünün onlayn müsahibə və təlim mərhələlərindən keçdiyi diqqətə çatdırılıb.

Həmçinin bu il "Formula 1" Azərbaycan Qran-prisinin 10 illiyi sentyabrın son həftəsində təşkil olunacağını açıqlayıb.

Xatırladaq ki, "Formula 1" üzrə Azərbaycan Qran-prisi sentyabrın 24-26-da Bakıda baş tutacaq.

İtaliyanın "Racing Bulls" komandasının pilotu Liam Louson "Formula 1" üzrə Niderland Qran-prisində Avstriyanı təmsil edən "Red Bull"un sürücüsü İsak Hacarı əvəzləyəcək.

"Report" xəbər verir ki, bu barədə Avstriya komandasının mətbuat xidməti məlumat yayıb.

Fransalı pilot yay fasiləsində boks məşqi zamanı biləyindən zədələndiyi üçün sözügedən mərhələdə iştirak edə bilməyəcək. L.Louson bu həftəsonu keçiriləcək yarışda "RB22" bolidinin sükanı arxasına keçəcək.

Qeyd edək ki, Niderland Qran-prisi avqustun 21-23-də keçiriləcək.

Dünya şöhrətli müğənni Keti Perri "Formula 1" üzrə Azərbaycan Qran-prisində səhnə alacaq.

Bu barədə "Report"a Bakı Şəhər Halqası Əməliyyat Şirkətindən məlumat verilib.

"Formula 1" üzrə Azərbaycan Qran-prisinin 10 illik yubileyinə təsadüf edən 2026-cı il yarış həftəsonu bu dəfə öncəki illərdən daha möhtəşəm və fərqli təşkil olunacaq. Yubiley proqramının əsas hadisələrindən biri dünya şöhrətli ifaçı Keti Perrinin Bakıda səhnə alması olacaq. O, sentyabrın 25-də keçiriləcək xüsusi gecədə "Formula 1" azarkeşinə unudulmaz şou təqdim edəcək.

Daha əvvəl məlumat verildiyi kimi, yarış həftəsonunun konsert proqramında dünya şöhrətli DJ və prodüser Kelvin Harris də çıxış edəcək.

Qeyd edək ki, Azərbaycan Qran-prisi sentyabrın 24-26-da baş tutacaq.